کمال تشنگی ہی سے بجھا لیتے ہیں پیاس اپنی
اسی تپتے ہوئے صحرا کو ہم دریا سمجھتے ہیں

جگر مراد آبادی

---

---

کوئی یہ کہہ دے گلشن گلشن
لاکھ بلائیں ایک نشیمن

جگر مراد آبادی

---

---

کچھ کھٹکتا تو ہے پہلو میں مرے رہ رہ کر
اب خدا جانے تری یاد ہے یا دل میرا

جگر مراد آبادی

---

---

کوچۂ عشق میں نکل آیا
جس کو خانہ خراب ہونا تھا

جگر مراد آبادی

---

---

کیا بتاؤں کس قدر زنجیر پا ثابت ہوئے
چند تنکے جن کو اپنا آشیاں سمجھا تھا میں

جگر مراد آبادی

---

---

کیا حسن نے سمجھا ہے کیا عشق نے جانا ہے
ہم خاک نشینوں کی ٹھوکر میں زمانا ہے

جگر مراد آبادی

---

---

کیا خبر تھی خلش ناز نہ جینے دے گی
یہ تری پیار کی آواز نہ جینے دے گی

جگر مراد آبادی

---

---