کیا کیا دلوں کا خوف چھپانا پڑا ہمیں
خود ڈر گئے تو سب کو ڈرانا پڑا ہمیں

جلیل عالیؔ

---

---

پیار وہ پیڑ ہے سو بار اکھاڑو دل سے
پھر بھی سینے میں کوئی داب سلامت رہ جائے

جلیل عالیؔ

---

---

راستہ آگے بھی لے جاتا نہیں
لوٹ کر جانا بھی مشکل ہو گیا

جلیل عالیؔ

---

---

راستہ سوچتے رہنے سے کدھر بنتا ہے
سر میں سودا ہو تو دیوار میں در بنتا ہے

جلیل عالیؔ

---

---

تو زندگی کو جئیں کیوں نہ زندگی کی طرح
کہیں پہ پھول کہیں پر شرر بناتے ہوئے

جلیل عالیؔ

---

---

تمہارا کیا تمہیں آساں بہت رستے بدلنا ہے
ہمیں ہر ایک موسم قافلے کے ساتھ چلنا ہے

جلیل عالیؔ

---

---

اسے دل سے بھلا دینا ضروری ہو گیا ہے
یہ جھگڑا ہی مٹا دینا ضروری ہو گیا ہے

جلیل عالیؔ

---

---