خاکستر دل میں تو نہ تھا ایک شرر بھی
بیکار اسے برباد کیا موج صبا نے

اقبال سہیل

---

---

کچھ ایسا ہے فریب نرگس مستانہ برسوں سے
کہ سب بھولے ہوئے ہیں کعبہ و بت خانہ برسوں سے

اقبال سہیل

---

---

نہ رہا کوئی تار دامن میں
اب نہیں حاجت رفو مجھ کو

اقبال سہیل

---

---

وہ شبنم کا سکوں ہو یا کہ پروانے کی بیتابی
اگر اڑنے کی دھن ہوگی تو ہوں گے بال و پر پیدا

اقبال سہیل

---

---

تمام دن مجھے سورج کے ساتھ چلنا تھا
مرے سبب سے مرے ہم سفر پہ دھوپ رہی

اقبال عمر

---

---

تمام مسئلے نوعیت سوال کے ہیں
جواب ہوتے ہیں سارے سوال کے اندر

اقتدار جاوید

---

---

اکیلے پار اتر کے بہت ہے رنج مجھے
میں اس کا بوجھ اٹھا کر بھی تیر سکتا تھا

عرفان احمد

---

---