دریا کو کنارے سے کیا دیکھتے رہتے ہو
اندر سے کبھی دیکھو کیسا نظر آتا ہے

انعام ندیمؔ

---

---

ایک لمحہ لوٹ کر آیا نہیں
یہ برس بھی رائیگاں رخصت ہوا

انعام ندیمؔ

---

---

ہم ٹھہرے رہیں گے کسی تعبیر کو تھامے
آنکھوں میں کوئی خواب رواں یوں ہی رہے گا

انعام ندیمؔ

---

---

جیے گرچہ اسی دنیا میں ہم بھی
مگر دنیا ہماری اور ہی تھی

انعام ندیمؔ

---

---

جو تیری آرزو مجھ کو نہ ہوتی
تو کوئی دوسرا آزار ہوتا

انعام ندیمؔ

---

---

کبھی لوٹ آیا میں دشت سے تو یہ شہر بھی
اسی گرد میں تھا اٹا ہوا مرے سامنے

انعام ندیمؔ

---

---

خاموش کھڑا ہوں میں در خواب سے باہر
کیا جانیے کب تک اسی حالت میں رہوں گا

انعام ندیمؔ

---

---