ہیں گھر کی محافظ مری دہکی ہوئی آنکھیں
میں طاق میں رکھ آیا ہوں جلتی ہوئی آنکھیں

امتیاز ساغر

---

---

ہوگا بہت شدید تمازت کا انتقام
سائے سے مل کے روئے گی دیوار دیکھنا

امتیاز ساغر

---

---

اسی درخت کو موسم نے بے لباس کیا
میں جس کے سائے میں تھک کر اداس بیٹھا تھا

امتیاز ساغر

---

---

اب یوں ہی دیکھتا ہوں رستہ
منزل پیش نظر نہیں ہے

امتیاز الحق امتیاز

---

---

گزری سوال وصل کے چکر میں ساری عمر
فرصت نہ مل سکی اسے گفت و شنید کی

انعام درانی

---

---

اپنی ہی روانی میں بہتا نظر آتا ہے
یہ شہر بلندی سے دریا نظر آتا ہے

انعام ندیمؔ

---

---

بجھ جائے گا اک روز تری یاد کا شعلہ
لیکن مرے سینے میں دھواں یوں ہی رہے گا

انعام ندیمؔ

---

---