برہمن کھولے ہی گا بت کدہ کا دروازہ
بند رہنے کا نہیں کار خدا ساز اپنا

حیدر علی آتش

---

---

بستیاں ہی بستیاں ہیں گنبد افلاک میں
سیکڑوں فرسنگ مجنوں سے بیاباں رہ گیا

حیدر علی آتش

---

---

بیاں خواب کی طرح جو کر رہا ہے
یہ قصہ ہے جب کا کہ آتشؔ جواں تھا

حیدر علی آتش

---

---

بھرا ہے شیشۂ دل کو نئی محبت سے
خدا کا گھر تھا جہاں واں شراب خانہ ہوا

حیدر علی آتش

---

---

دل کی کدورتیں اگر انساں سے دور ہوں
سارے نفاق گبر و مسلماں سے دور ہوں

حیدر علی آتش

---

---

دوستوں سے اس قدر صدمے اٹھائے جان پر
دل سے دشمن کی عداوت کا گلہ جاتا رہا

حیدر علی آتش

---

---

دنیا و آخرت میں طلب گار ہیں ترے
حاصل تجھے سمجھتے ہیں دونوں جہاں میں ہم

حیدر علی آتش

---

---