کوئی بت خانہ کو جاتا ہے کوئی کعبہ کو
پھر رہے گبر و مسلماں ہیں تری گھات میں کیا

حیدر علی آتش

---

---

کوئی تو دوش سے بار سفر اتارے گا
ہزاروں راہزن امیدوار راہ میں ہے

حیدر علی آتش

---

---

کفر و اسلام کی کچھ قید نہیں اے آتشؔ
شیخ ہو یا کہ برہمن ہو پر انساں ہووے

حیدر علی آتش

---

---

کوچۂ یار میں ہو روشنی اپنے دم کی
کعبہ و دیر کریں گبر و مسلماں آباد

حیدر علی آتش

---

---

کوئے جاناں میں بھی اب اس کا پتہ ملتا نہیں
دل مرا گھبرا کے کیا جانے کدھر جاتا رہا

حیدر علی آتش

---

---

لگے منہ بھی چڑھانے دیتے دیتے گالیاں صاحب
زباں بگڑی تو بگڑی تھی خبر لیجے دہن بگڑا

حیدر علی آتش

---

---

لباس کعبہ کا حاصل کیا شرف اس نے
جو کوئے یار میں کالی کوئی گھٹا آئی

حیدر علی آتش

---

---