اب کھل کے کہو بات تو کچھ بات بنے گی
یہ دور اشارات و کنایات نہیں ہے

حفیظ میرٹھی

---

---

ابھی سے ہوش اڑے مصلحت پسندوں کے
ابھی میں بزم میں آیا ابھی بولا کہاں بولا

حفیظ میرٹھی

---

---

بد تر ہے موت سے بھی غلامی کی زندگی
مر جائیو مگر یہ گوارا نہ کیجیو

حفیظ میرٹھی

---

---

ہائے وہ نغمہ جس کا مغنی
گاتا جائے روتا جائے

حفیظ میرٹھی

---

---

ہر سہارا بے عمل کے واسطے بیکار ہے
آنکھ ہی کھولے نہ جب کوئی اجالا کیا کرے

حفیظ میرٹھی

---

---

اک اجنبی کے ہاتھ میں دے کر ہمارا ہاتھ
لو ساتھ چھوڑنے لگا آخر یہ سال بھی

حفیظ میرٹھی

---

---

کبھی کبھی ہمیں دنیا حسین لگتی تھی
کبھی کبھی تری آنکھوں میں پیار دیکھتے تھے

حفیظ میرٹھی

---

---