تمثیل و استعارا و تشبیہ سب درست
اس کی مثال کیا جو عدیم المثال ہو

حفیظ جونپوری

---

---

تندرستی سے تو بہتر تھی مری بیماری
وہ کبھی پوچھ تو لیتے تھے کہ حال اچھا ہے

حفیظ جونپوری

---

---

تھے چور میکدے کے مسجد کے رہنے والے
مے سے بھرا ہوا ہے جو ظرف ہے وضو کا

حفیظ جونپوری

---

---

ان کی یکتائی کا دعویٰ مٹ گیا
آئنے نے دوسرا پیدا کیا

حفیظ جونپوری

---

---

یاد آئیں اس کو دیکھ کے اپنی مصیبتیں
روئے ہم آج خوب لپٹ کر رقیب سے

حفیظ جونپوری

---

---

زاہد کو رٹ لگی ہے شراب طہور کی
آیا ہے میکدے میں تو سوجھی ہے دور کی

حفیظ جونپوری

---

---

زاہد شراب ناب ہو یا بادۂ طہور
پینے ہی پر جب آئے حرام و حلال کیا

حفیظ جونپوری

---

---