کعبہ کے ڈھانے والے وہ اور لوگ ہوں گے
ہم کفر جانتے ہیں دل توڑنا کسی کا

حفیظ جونپوری

---

---

کافر عشق کو کیا دیر و حرم سے مطلب
جس طرف تو ہے ادھر ہی ہمیں سجدا کرنا

حفیظ جونپوری

---

---

کبھی مسجد میں جو واعظ کا بیاں سنتا ہوں
یاد آتی ہے مجھے پیر خرابات کی بات

حفیظ جونپوری

---

---

لٹ گیا وہ ترے کوچے میں دھرا جس نے قدم
اس طرح کی بھی کہیں راہزنی ہوتی ہے

حفیظ جونپوری

---

---

مرے بت خانے سے ہو کر چلا جا کعبے کو زاہد
بظاہر فرق ہے باطن میں دونوں ایک رستے ہیں

حفیظ جونپوری

---

---

مری شراب کی توبہ پہ جا نہ اے واعظ
نشے کی بات نہیں اعتبار کے قابل

حفیظ جونپوری

---

---

او آنکھ بدل کے جانے والے
کچھ دھیان کسی کی عاجزی کا

حفیظ جونپوری

---

---