پہنچے اس کو سلام میرا
بھولے سے نہ لے جو نام میرا

حفیظ جونپوری

---

---

پری تھی کوئی چھلاوا تھی یا جوانی تھی
کہاں یہ ہو گئی چمپت جھلک دکھا کے مجھے

حفیظ جونپوری

---

---

پی کر دو گھونٹ دیکھ زاہد
کیا تجھ سے کہوں شراب کیا ہے

حفیظ جونپوری

---

---

پی لو دو گھونٹ کہ ساقی کی رہے بات حفیظؔ
صاف انکار سے خاطر شکنی ہوتی ہے

حفیظ جونپوری

---

---

قسم نباہ کی کھائی تھی عمر بھر کے لیے
ابھی سے آنکھ چراتے ہو اک نظر کے لیے

حفیظ جونپوری

---

---

سچ ہے اس ایک پردے میں چھپتے ہیں لاکھ عیب
یعنی جناب شیخ کی داڑھی دراز ہے

حفیظ جونپوری

---

---

شب وصال لگایا جو ان کو سینے سے
تو ہنس کے بولے الگ بیٹھیے قرینے سے

حفیظ جونپوری

---

---