ترے جاتے ہی یہ عالم ہے جیسے
تجھے دیکھے زمانہ ہو گیا ہے

حفیظ ہوشیارپوری

---

---

تری تلاش ہے یا تجھ سے اجتناب ہے یہ
کہ روز ایک نئے راستے پہ چلتے ہیں

حفیظ ہوشیارپوری

---

---

تری تلاش میں جب ہم کبھی نکلتے ہیں
اک اجنبی کی طرح راستے بدلتے ہیں

حفیظ ہوشیارپوری

---

---

یہ دل کشی کہاں مری شام و سحر میں تھی
دنیا تری نظر کی بدولت نظر میں ہے

حفیظ ہوشیارپوری

---

---

یہ تمیز عشق و ہوس نہیں ہے حقیقتوں سے گریز ہے
جنہیں عشق سے سروکار ہے وہ ضرور اہل ہوس بھی ہیں

حفیظ ہوشیارپوری

---

---

آ ہی گیا وہ مجھ کو لحد میں اتارنے
غفلت ذرا نہ کی مرے غفلت شعار نے

حفیظ جالندھری

---

---

آنکھ کمبخت سے اس بزم میں آنسو نہ رکا
ایک قطرے نے ڈبویا مجھے دریا ہو کر

حفیظ جالندھری

---

---