جو پردوں میں خود کو چھپائے ہوئے ہیں
قیامت وہی تو اٹھائے ہوئے ہیں

حفیظ بنارسی

---

---

کبھی خرد کبھی دیوانگی نے لوٹ لیا
طرح طرح سے ہمیں زندگی نے لوٹ لیا

حفیظ بنارسی

---

---

کس منہ سے کریں ان کے تغافل کی شکایت
خود ہم کو محبت کا سبق یاد نہیں ہے

حفیظ بنارسی

---

---

کسی کا گھر جلے اپنا ہی گھر لگے ہے مجھے
وہ حال ہے کہ اجالوں سے ڈر لگے ہے مجھے

حفیظ بنارسی

---

---

کچھ اس کے سنور جانے کی تدبیر نہیں ہے
دنیا ہے تری زلف گرہ گیر نہیں ہے

حفیظ بنارسی

---

---

میں نے آباد کیے کتنے ہی ویرانے حفیظؔ
زندگی میری اک اجڑی ہوئی محفل ہی سہی

حفیظ بنارسی

---

---

ملے فرصت تو سن لینا کسی دن
مرا قصہ نہایت مختصر ہے

حفیظ بنارسی

---

---