مرا وجود حقیقت مرا عدم دھوکا
فنا کی شکل میں سرچشمۂ بقا ہوں میں

ہادی مچھلی شہری

---

---

تم عزیز اور تمہارا غم بھی عزیز
کس سے کس کا گلا کرے کوئی

ہادی مچھلی شہری

---

---

تو ہے بہار تو دامن مرا ہو کیوں خالی
اسے بھی بھر دے گلوں سے تجھے خدا کی قسم

ہادی مچھلی شہری

---

---

اس نے اس انداز سے دیکھا مجھے
زندگی بھر کا گلہ جاتا رہا

ہادی مچھلی شہری

---

---

اٹھنے کو تو اٹھا ہوں محفل سے تری لیکن
اب دل کو یہ دھڑکا ہے جاؤں تو کدھر جاؤں

ہادی مچھلی شہری

---

---

وہ پوچھتے ہیں دل مبتلا کا حال اور ہم
جواب میں فقط آنسو بہائے جاتے ہیں

ہادی مچھلی شہری

---

---

آسان نہیں مرحلۂ ترک وفا بھی
مدت ہوئی ہم اس کو بھلانے میں لگے ہیں

حفیظ بنارسی

---

---