پتھروں کے دیس میں شیشے کا ہے اپنا وقار
دیوتا اپنی جگہ اور آدمی اپنی جگہ

گنیش بہاری طرز

---

---

رات کی رات بہت دیکھ لی دنیا تیری
صبح ہونے کو ہے اب طرزؔ کو سو جانے دے

گنیش بہاری طرز

---

---

صبح ہیں سجدے میں ہم تو شام ساقی کے حضور
بندگی اپنی جگہ اور مے کشی اپنی جگہ

گنیش بہاری طرز

---

---

یہ محل یہ مال و دولت سب یہیں رہ جائیں گے
ہاتھ آئے گی فقط دو گز زمیں مرنے کے بعد

گنیش بہاری طرز

---

---

کہاں وہ ضبط کے دعوے کہاں یہ ہم گوہرؔ
کہ ٹوٹتے تھے نہ پھر ٹوٹ کر بکھرتے تھے

گوہر ہوشیارپوری

---

---

لہجہ تو بدل چبھتی ہوئی بات سے پہلے
تیر ایسا تو کچھ ہو جسے نخچیر بھی چاہے

گوہر ہوشیارپوری

---

---

لوگ کنارے آن لگے
اور کنارہ ڈوب گیا

گوہر ہوشیارپوری

---

---