کتنے مفلس ہو گئے کتنے تونگر ہو گئے
خاک میں جب مل گئے دونوں برابر ہو گئے

however many paupers passed, and wealthy went and came
when they were consigned to dust they were all the same

شیخ ابراہیم ذوقؔ

---

---

خط بڑھا کاکل بڑھے زلفیں بڑھیں گیسو بڑھے
حسن کی سرکار میں جتنے بڑھے ہندو بڑھے

شیخ ابراہیم ذوقؔ

---

---

کل جہاں سے کہ اٹھا لائے تھے احباب مجھے
لے چلا آج وہیں پھر دل بے تاب مجھے

the place from where my friends had picked me yesterday
my restless heart takes me again to that place today

شیخ ابراہیم ذوقؔ

---

---

جو کہو گے تم کہیں گے ہم بھی ہاں یوں ہی سہی
آپ کی گر یوں خوشی ہے مہرباں یوں ہی سہی

شیخ ابراہیم ذوقؔ

---

---

ان دنوں گرچہ دکن میں ہے بڑی قدر سخن
کون جائے ذوقؔ پر دلی کی گلیاں چھوڑ کر

شیخ ابراہیم ذوقؔ

---

---

ہو عمر خضر بھی تو ہو معلوم وقت مرگ
ہم کیا رہے یہاں ابھی آئے ابھی چلے

شیخ ابراہیم ذوقؔ

---

---

حق نے تجھ کو اک زباں دی اور دیئے ہیں کان دو
اس کے یہ معنی کہے اک اور سنے انسان دو

the lord did on our face one mouth and two ears array
for to listen twich as much as we are wont to say

شیخ ابراہیم ذوقؔ

---

---

آدمیت اور شے ہے علم ہے کچھ اور شے
کتنا طوطے کو پڑھایا پر وہ حیواں ہی رہا

شیخ ابراہیم ذوقؔ

---

---

ہم رونے پہ آ جائیں تو دریا ہی بہا دیں
شبنم کی طرح سے ہمیں رونا نہیں آتا

شیخ ابراہیم ذوقؔ

---

---