ہم نہیں وہ جو کریں خون کا دعویٰ تجھ پر
بلکہ پوچھے گا خدا بھی تو مکر جائیں گے

شیخ ابراہیم ذوقؔ

---

---

ہے عین وصل میں بھی مری چشم سوئے در
لپکا جو پڑ گیا ہے مجھے انتظار کا

شیخ ابراہیم ذوقؔ

---

---

گل اس نگہ کے زخم رسیدوں میں مل گیا
یہ بھی لہو لگا کے شہیدوں میں مل گیا

شیخ ابراہیم ذوقؔ

---

---

گیا شیطان مارا ایک سجدہ کے نہ کرنے میں
اگر لاکھوں برس سجدے میں سر مارا تو کیا مارا

شیخ ابراہیم ذوقؔ

---

---

ایک پتھر پوجنے کو شیخ جی کعبے گئے
ذوقؔ ہر بت قابل بوسہ ہے اس بت خانے میں

شیخ ابراہیم ذوقؔ

---

---

ایک آنسو نے ڈبویا مجھ کو ان کی بزم میں
بوند بھر پانی سے ساری آبرو پانی ہوئی

a single tear caused my fall in her company
just a drop of water drowned my dignity

شیخ ابراہیم ذوقؔ

---

---