پتا نہیں یہ تمنائے قرب کب جاگی
مجھے تو صرف اسے سوچنے کی عادت تھی

شارق کیفی

---

---

منزلوں پر ہم ملیں یہ طے ہوا
واپسی میں ساتھ پکا کر لیا

شارق کیفی

---

---

میں کسی دوسرے پہلو سے اسے کیوں سوچوں
یوں بھی اچھا ہے وہ جیسا نظر آتا ہے مجھے

شارق کیفی

---

---

لرزتے کانپتے ہاتھوں سے بوڑھا
چلم میں پھر کوئی دکھ بھر رہا تھا

شارق کیفی

---

---

کیا ملا دشت میں آ کر ترے دیوانے کو
گھر کے جیسا ہی اگر جاگنا سونا ہے یہاں

شارق کیفی

---

---

کس طرح آئے ہیں اس پہلی ملاقات تلک
اور مکمل ہے جدا ہونے کی تیاری بھی

شارق کیفی

---

---

کس احساس جرم کی سب کرتے ہیں توقع
اک کردار کیا تھا جس میں قاتل تھا میں

شارق کیفی

---

---

خواب ویسے تو اک عنایت ہے
آنکھ کھل جائے تو مصیبت ہے

شارق کیفی

---

---

کون تھا وہ جس نے یہ حال کیا ہے میرا
کس کو اتنی آسانی سے حاصل تھا میں

شارق کیفی

---

---