سر مژگاں یہ نالے اب بھی آنسو کو ترستے ہیں
یہ سچ ہے جو گرجتے ہیں وہ بادل کم برستے ہیں

شاہ نصیر

---

---

سربلندی کو یہاں دل نے نہ چاہا منعم
ورنہ یہ خیمۂ افلاک پرانا کیا تھا

شاہ نصیر

---

---

برقعہ کو الٹ مجھ سے جو کرتا ہے وہ باتیں
اب میں ہمہ تن گوش بنوں یا ہمہ تن چشم

شاہ نصیر

---

---

گلے میں تو نے وہاں موتیوں کا پہنا ہار
یہاں پہ اشک مسلسل گلے کا ہار رہا

شاہ نصیر

---

---

دود آہ جگری کام نہ آیا یارو
ورنہ روئے شب ہجر اور بھی کالا کرتا

شاہ نصیر

---

---

دن رات یہاں پتلیوں کا ناچ رہے ہے
حیرت ہے کہ تو محو تماشا نہیں ہوتا

شاہ نصیر

---

---

دل پر آبلہ لایا ہوں دکھانے تم کو
بند اے شیشہ گرو! اپنی دکاں کیجئے گا

شاہ نصیر

---

---

دلا اس کی کاکل سے رکھ جمع خاطر
پریشاں سے حاصل کب اک دام ہوگا

شاہ نصیر

---

---

دیکھو گے کہ میں کیسا پھر شور مچاتا ہوں
تم اب کے نمک میرے زخموں پہ چھڑک دیکھو

شاہ نصیر

---

---