مت پوچھ واردات شب ہجر اے نصیرؔ
میں کیا کہوں جو کار نمایان نالہ تھا

شاہ نصیر

---

---

مے کشی کا ہے یہ شوق اس کو کہ آئینے میں
کان کے جھمکے کو انگور کا خوشا سمجھا

شاہ نصیر

---

---

میں اس کی چشم کا بیمار ناتواں ہوں طبیب
جو میرے حق میں مناسب ہو وہ دوا ٹھہرا

شاہ نصیر

---

---

لے گیا دے ایک بوسہ عقل و دین و دل وہ شوخ
کیا حساب اب کیجے کچھ اپنا ہی فاضل رہ گیا

شاہ نصیر

---

---

لگائی کس بت مے نوش نے ہے تاک اس پر
سبو بہ دوش ہے ساقی جو آبلہ دل کا

شاہ نصیر

---

---

لگا نہ دل کو تو اپنے کسی سے دیکھ نصیرؔ
برا نہ مان کہ اس میں نہیں بھلا دل کا

شاہ نصیر

---

---

لگا جب عکس ابرو دیکھنے دل دار پانی میں
بہم ہر موج سے چلنے لگی تلوار پانی میں

شاہ نصیر

---

---

لب دریا پہ دیکھ آ کر تماشا آج ہولی کا
بھنور کالے کے دف باجے ہے موج اے یار پانی میں

شاہ نصیر

---

---

کیوں مے کے پینے سے کروں انکار ناصحا
زاہد نہیں ولی نہیں کچھ پارسا نہیں

شاہ نصیر

---

---