اس طرف بزم میں ہم تھے وہ تھے
اس طرف شمع تھی پروانہ تھا

سخی لکھنوی

---

---

جائے گی گلشن تلک اس گل کی آمد کی خبر
آئے گی بلبل مرے گھر میں مبارک باد کو

سخی لکھنوی

---

---

جیتیں گے نہ ہم سے بازیٔ عشق
اغیار کے پٹ پڑیں گے پانسے

سخی لکھنوی

---

---

جس کے گھر جاتے نہ تھے حضرت دل
واں لگے پھاند نے دیوار یہ کیا

سخی لکھنوی

---

---

کعبہ میں سخت کلامی سن لی
بت کدہ میں نہ کبھی آئیے گا

سخی لکھنوی

---

---

کبھی پہنچے گا دل ان انگلیوں تک
نگینے کی طرح خاتم میں جڑ کے

سخی لکھنوی

---

---

کہنا مجنوں سے کہ کل تیری طرف آؤں گا
ڈھونڈنے جاتا ہوں فرہاد کو کہسار میں آج

سخی لکھنوی

---

---

خال اور رخ سے کس کو دوں نسبت
ایسے تارے نہ ایسا پیارا چاند

سخی لکھنوی

---

---

خدا کے پاس کیا جائیں گے زاہد
گنہگاروں سے جب یہ بار پائیں

سخی لکھنوی

---

---