آدمی ہی کے بنائے ہوئے زنداں ہیں یہ سب
کوئی پیدا نہیں ہوتا کسی زنجیر کے ساتھ

راجیش ریڈی

---

---

اجازت کم تھی جینے کی مگر مہلت زیادہ تھی
ہمارے پاس مرنے کے لیے فرصت زیادہ تھی

راجیش ریڈی

---

---

جتنی بٹنی تھی بٹ چکی یہ زمیں
اب تو بس آسمان باقی ہے

راجیش ریڈی

---

---

جستجو کا اک عجب سلسلہ تا عمر رہا
خود کو کھونا تھا کہیں اور کہیں ڈھونڈھنا تھا

راجیش ریڈی

---

---

کون پڑھتا ہے یہاں کھول کے اب دل کی کتاب
اب تو چہرے کو ہی اخبار کیا جانا ہے

راجیش ریڈی

---

---

کس نے پایا سکون دنیا میں
زندگانی کا سامنا کر کے

راجیش ریڈی

---

---

کسی دن زندگانی میں کرشمہ کیوں نہیں ہوتا
میں ہر دن جاگ تو جاتا ہوں زندہ کیوں نہیں ہوتا

راجیش ریڈی

---

---

کیا ایجاد جس نے بھی خدا کو
وہ خود کو کیسے بہلاتا تھا پہلے

راجیش ریڈی

---

---

کچھ اس طرح گزارا ہے زندگی کو ہم نے
جیسے کہ خود پہ کوئی احسان کر لیا ہے

راجیش ریڈی

---

---