ایک ایمان ہے بساط اپنی
نہ عبادت نہ کچھ ریاضت ہے

خواجہ میر دردؔ

---

---

غافل خدا کی یاد پہ مت بھول زینہار
اپنے تئیں بھلا دے اگر تو بھلا سکے

خواجہ میر دردؔ

---

---

آنکھیں بھی ہائے نزع میں اپنی بدل گئیں
سچ ہے کہ بے کسی میں کوئی آشنا نہیں

خواجہ میر دردؔ

---

---

حال مجھ غم زدہ کا جس جس نے
جب سنا ہوگا رو دیا ہوگا

خواجہ میر دردؔ

---

---

ہے غلط گر گمان میں کچھ ہے
تجھ سوا بھی جہان میں کچھ ہے

خواجہ میر دردؔ

---

---

ہم بھی جرس کی طرح تو اس قافلے کے ساتھ
نالے جو کچھ بساط میں تھے سو سنا چلے

خواجہ میر دردؔ

---

---

ہمیں تو باغ تجھ بن خانۂ ماتم نظر آیا
ادھر گل پھاڑتے تھے جیب روتی تھی ادھر شبنم

خواجہ میر دردؔ

---

---

ہر چند تجھے صبر نہیں درد ولیکن
اتنا بھی نہ ملیو کہ وہ بدنام بہت ہو

خواجہ میر دردؔ

---

---

ہو گیا مہماں سرائے کثرت موہوم آہ
وہ دل خالی کہ تیرا خاص خلوت خانہ تھا

خواجہ میر دردؔ

---

---