kar ke dafn apne parae chal diye
bekasi ka qabr par matam raha

Ahsan Marahravi

---

---

idhar se aaj wo guzre to munh phere hue guzre
ab un se bhi hamari be-kasi dekhi nahin jati

Asar Lakhnavi

---

---

aat karni mujhe mushkil kabhi aisi to na thi
jaisi ab hai teri mahfil kabhi aisi to na thi

conversing has never been so diffficult for me
your company now is no more as it used to be

Bahadur Shah Zafar

---

---

kashtiyan TuT gai hain sari
ab liye phirta hai dariya hum ko

Baqi Siddiqui

---

---

main bolta hun to ilzam hai baghawat ka
main chup rahun to baDi bebasi si hoti hai

Bashir Badr

---

---

sab ne ghurbat mein mujh ko chhoD diya
ek meri bekasi nahin jati

Bedam Shah Warsi

---

---

aashiq ki be-kasi ka to aalam na puchhiye
majnun pe kya guzar gai sahra gawah hai

Hafeez Jaunpuri

---

---