کوششیں ہم نے کیں ہزار مگر
عشق میں ایک معتبر نہ ہوئی

حسرتؔ موہانی

---

---

خوب رویوں سے یاریاں نہ گئیں
دل کی بے اختیاریاں نہ گئیں

حسرتؔ موہانی

---

---

کھینچ لینا وہ مرا پردے کا کونا دفعتاً
اور دوپٹے سے ترا وہ منہ چھپانا یاد ہے

حسرتؔ موہانی

---

---

خندۂ‌ اہل جہاں کی مجھے پروا کیا ہے
تم بھی ہنستے ہو مرے حال پہ رونا ہے یہی

حسرتؔ موہانی

---

---

کٹ گئی احتیاط عشق میں عمر
ہم سے اظہار مدعا نہ ہوا

حسرتؔ موہانی

---

---

کہاں ہم کہاں وصل جاناں کی حسرتؔ
بہت ہے انہیں اک نظر دیکھ لینا

حسرتؔ موہانی

---

---

کبھی کی تھی جو اب وفا کیجئے گا
مجھے پوچھ کر آپ کیا کیجئے گا

حسرتؔ موہانی

---

---

جو اور کچھ ہو تری دید کے سوا منظور
تو مجھ پہ خواہش جنت حرام ہو جائے

حسرتؔ موہانی

---

---

جبیں پر سادگی نیچی نگاہیں بات میں نرمی
مخاطب کون کر سکتا ہے تم کو لفظ قاتل سے

حسرتؔ موہانی

---

---