meri aankhen aur didar aap ka
ya qayamat aa gai ya KHwab hai

Aasi Ghazipuri

---

---

tu samne hai to phir kyun yaqin nahin aata
ye bar bar jo aankhon ko mal ke dekhte hain

Ahmad Faraz

---

---

haTao aaina ummid-war hum bhi hain
tumhaare dekhne walon mein yar hum bhi hain

Ameer Minai

---

---

wo dushmani se dekhte hain dekhte to hain
main shad hun ki hun to kisi ki nigah mein

Ameer Minai

---

---

janab ke ruKH-e-raushan ki did ho jati
to hum siyah-nasibon ki id ho jati

Anwar Shuoor

---

---

dekhne ke liye sara aalam bhi kam
chahne ke liye ek chehra bahut

Asad Badayuni

---

---

main kaamyab-e-did bhi mahrum-e-did bhi
jalwon ke izhdiham ne hairan bana diya

Asghar Gondvi

---

---