میں مدتوں جیا ہوں کسی دوست کے بغیر
اب تم بھی ساتھ چھوڑنے کو کہہ رہے ہو خیر

فراق گورکھپوری

---

---

میں ہوں دل ہے تنہائی ہے
تم بھی ہوتے اچھا ہوتا

my loneliness my heart and me
would be nice

فراق گورکھپوری

---

---

میں دیر تک تجھے خود ہی نہ روکتا لیکن
تو جس ادا سے اٹھا ہے اسی کا رونا ہے

فراق گورکھپوری

---

---

مائل بیداد وہ کب تھا فراقؔ
تو نے اس کو غور سے دیکھا نہیں

فراق گورکھپوری

---

---

لہو وطن کے شہیدوں کا رنگ لایا ہے
اچھل رہا ہے زمانے میں نام آزادی

فراق گورکھپوری

---

---

لائی نہ ایسوں ویسوں کو خاطر میں آج تک
اونچی ہے کس قدر تری نیچی نگاہ بھی

فراق گورکھپوری

---

---

کیا جانئے موت پہلے کیا تھی
اب میری حیات ہو گئی ہے

فراق گورکھپوری

---

---

کچھ قفس کی تیلیوں سے چھن رہا ہے نور سا
کچھ فضا کچھ حسرت پرواز کی باتیں کرو

فراق گورکھپوری

---

---

کچھ نہ پوچھو فراقؔ عہد شباب
رات ہے نیند ہے کہانی ہے

فراق گورکھپوری

---

---