sare jahan se achchha hindostan hamara
hum bulbulen hain is ki ye gulsitan hamara

Allama Iqbal

---

---

watan ki KHak se mar kar bhi hum ko uns baqi hai
maza daman-e-madar ka hai is miTTi ke daman mein

Chakbast Brij Narayan

---

---

lahu watan ke shahidon ka rang laya hai
uchhal raha hai zamane mein nam-e-azadi

Firaq Gorakhpuri

---

---

dil se niklegi na mar kar bhi watan ki ulfat
meri miTTi se bhi KHushbu-e-wafa aaegi

Lal Chand Falak

---

---

KHuda ai kash 'nazish' jite-ji wo waqt bhi lae
ki jab hindostan kahlaega hindostan-e-azadi

Nazish Partap Gadhi

---

---

na hoga raegan KHun-e-shahidan-e-watan hargiz
yahi surKHi banegi ek din unwan-e-azadi

Nazish Partap Gadhi

---

---

naqsha le kar hath mein bachcha hai hairan
kaise dimak kha gai us ka hindostan

Nida Fazli

---

---