کیا کہہ دیا یہ آپ نے چپکے سے کان میں
دل کا سنبھالنا مجھے دشوار ہو گیا

بیخود دہلوی

---

---

تری تیغ کا لال کر دوں گا منہ
جو یہ کھیلنے مجھ سے آئے گی رنگ

بیخود دہلوی

---

---

تیر قاتل کو کلیجے سے لگا رکھا ہے
ہم تو دشمن کو بھی آرام دیے جاتے ہیں

بیخود دہلوی

---

---

تکیہ ہٹتا نہیں پہلو سے یہ کیا ہے بیخودؔ
کوئی بوتل تو نہیں تم نے چھپا رکھی ہے

بیخود دہلوی

---

---

سن کے ساری داستان رنج و غم
کہہ دیا اس نے کہ پھر ہم کیا کریں

بیخود دہلوی

---

---

سوال وصل پر کچھ سوچ کر اس نے کہا مجھ سے
ابھی وعدہ تو کر سکتے نہیں ہیں ہم مگر دیکھو

بیخود دہلوی

---

---

سودائے عشق اور ہے وحشت کچھ اور شے
مجنوں کا کوئی دوست فسانہ نگار تھا

بیخود دہلوی

---

---

سخت جاں ہوں مجھے اک وار سے کیا ہوتا ہے
ایسی چوٹیں کوئی دو چار تو آنے دیجے

بیخود دہلوی

---

---

رند مشرب کوئی بیخودؔ سا نہ ہوگا واللہ
پی کے مسجد ہی میں یہ خانہ خراب آتا ہے

بیخود دہلوی

---

---