ہمیں خبر ہے کوئی ہم سفر نہ تھا پھر بھی
یقیں کی منزلیں طے کیں گماں کے ہوتے ہوئے
اختر ہوشیارپوری
اے جلتی رتو گواہ رہنا
ہم ننگے پاؤں چل رہے ہیں
اختر ہوشیارپوری
جس قدر نیچے اترتا ہوں میں
جھیل بھی گہری ہوئی جاتی ہے
اختر ہوشیارپوری
کب دھوپ چلی شام ڈھلی کس کو خبر ہے
اک عمر سے میں اپنے ہی سائے میں کھڑا ہوں
اختر ہوشیارپوری
کچے مکان جتنے تھے بارش میں بہہ گئے
ورنہ جو میرا دکھ تھا وہ دکھ عمر بھر کا تھا
اختر ہوشیارپوری
خواہشیں خون میں اتری ہیں صحیفوں کی طرح
ان کتابوں میں ترے ہاتھ کی تحریر بھی ہے
اختر ہوشیارپوری
کسے خبر کہ گہر کیسے ہاتھ آتے ہیں
سمندروں سے بھی گہری ہے خامشی میری
اختر ہوشیارپوری
کسی سے مجھ کو گلہ کیا کہ کچھ کہوں اخترؔ
کہ میری ذات ہی خود راستے کا پتھر ہے
اختر ہوشیارپوری
کچھ اتنے ہو گئے مانوس سناٹوں سے ہم اخترؔ
گزرتی ہے گراں اپنی صدا بھی اب تو کانوں پر
اختر ہوشیارپوری