saqiya ek nazar jam se pahle pahle
hum ko jaana hai kahin sham se pahle pahle

Ahmad Faraz

---

---

hoti hai sham aankh se aansu rawan hue
ye waqt qaidiyon ki rihai ka waqt hai

Ahmad Mushtaq

---

---

jab sham utarti hai kya dil pe guzarti hai
sahil ne bahut puchha KHamosh raha pani

Ahmad Mushtaq

---

---

as ek sham ka har sham intizar raha
magar wo sham kisi sham bhi nahin aai

Ajmal Siraj

---

---

kab dhup chali sham Dhali kis ko KHabar hai
ek umr se main apne hi sae mein khaDa hun

Akhtar Hoshiyarpuri

---

---

asr ke waqt mere pas na baiTh
mujh pe ek sanwli ka saya hai

Ali Zaryoun

---

---

sae Dhalne charag jalne lage
log apne gharon ko chalne lage

Amjad Islam Amjad

---

---