جس قدر نیچے اترتا ہوں میں
جھیل بھی گہری ہوئی جاتی ہے
اختر ہوشیارپوری
اے جلتی رتو گواہ رہنا
ہم ننگے پاؤں چل رہے ہیں
اختر ہوشیارپوری
ہمیں خبر ہے کوئی ہم سفر نہ تھا پھر بھی
یقیں کی منزلیں طے کیں گماں کے ہوتے ہوئے
اختر ہوشیارپوری
گزرتے وقت نے کیا کیا نہ چارہ سازی کی
وگرنہ زخم جو اس نے دیا تھا کاری تھا
اختر ہوشیارپوری
دھوپ کی گرمی سے اینٹیں پک گئیں پھل پک گئے
اک ہمارا جسم تھا اختر جو کچا رہ گیا
اختر ہوشیارپوری
دیکھا ہے یہ پرچھائیں کی دنیا میں کہ اکثر
اپنے قد و قامت سے بھی کچھ لوگ بڑے ہیں
اختر ہوشیارپوری
چمن کے رنگ و بو نے اس قدر دھوکا دیا مجھ کو
کہ میں نے شوق گل بوسی میں کانٹوں پر زباں رکھ دی
اختر ہوشیارپوری
بارہا ٹھٹھکا ہوں خود بھی اپنا سایہ دیکھ کر
لوگ بھی کترائے کیا کیا مجھ کو تنہا دیکھ کر
اختر ہوشیارپوری
الماری میں تصویریں رکھتا ہوں
اب بچپن اور بڑھاپا ایک ہوئے
اختر ہوشیارپوری