kabhi to aasman se chand utre jam ho jae
tumhaare nam ki ek KHub-surat sham ho jae

Bashir Badr

---

---

main tamam din ka thaka hua tu tamam shab ka jaga hua
zara Thahar ja isi moD par tere sath sham guzar lun

Bashir Badr

---

---

na udas ho na malal kar kisi baat ka na KHayal kar
kai sal baad mile hain hum tere nam aaj ki sham hai

Bashir Badr

---

---

sham bhi thi dhuan dhuan husn bhi tha udas udas
dil ko kai kahaniyan yaad si aa ke rah gain

Firaq Gorakhpuri

---

---

shamen kisi ko mangti hain aaj bhi 'firaq'
go zindagi mein yun mujhe koi kami nahin

Firaq Gorakhpuri

---

---

ghar ki wahshat se larazta hun magar jaane kyun
sham hoti hai to ghar jaane ko ji chahta hai

Iftikhar Arif

---

---

hum bhi ek sham bahut uljhe hue the KHud mein
ek sham us ko bhi haalat ne mohlat nahin di

Iftikhar Arif

---

---