ab kaun muntazir hai hamare liye wahan
sham aa gai hai lauT ke ghar jaen hum to kya

Muneer Niyazi

---

---

yaad hai ab tak tujh se bichhaDne ki wo andheri sham mujhe
tu KHamosh khaDa tha lekin baaten karta tha kajal

Nasir Kazmi

---

---

sham paDte hi kisi shaKHs ki yaad
kucha-e-jaan mein sada karti hai

Parveen Shakir

---

---

wo na aaega hamein malum tha is sham bhi
intizar us ka magar kuchh soch kar karte rahe

Parveen Shakir

---

---

tumhaare shahr ka mausam baDa suhana lage
main ek sham chura lun agar bura na lage

Qaisar-ul-Jafri

---

---

Dhalegi sham jahan kuchh nazar na aaega
phir is ke baad bahut yaad ghar ki aaegi

Rajinder Manchanda Bani

---

---

sham Dhale ye soch ke baiThe hum apni taswir ke pas
sari ghazlen baiThi hongi apne apne mir ke pas

Saghar Azmi

---

---