تیرا ہر راز چھپائے ہوئے بیٹھا ہے کوئی
خود کو دیوانہ بنائے ہوئے بیٹھا ہے کوئی

اختر صدیقی

---

---

دفن کر سکتا ہوں سینے میں تمہارے راز کو
اور تم چاہو تو افسانہ بنا سکتا ہوں میں

اسرار الحق مجاز

---

---

یہ میرے عشق کی مجبوریاں معاذ اللہ
تمہارا راز تمہیں سے چھپا رہا ہوں میں

اسرار الحق مجاز

---

---

جن کو اپنی خبر نہیں اب تک
وہ مرے دل کا راز کیا جانیں

داغؔ دہلوی

---

---

کوئی سمجھے گا کیا راز گلشن
جب تک الجھے نہ کانٹوں سے دامن

فنا نظامی کانپوری

---

---

اپنا ہی حال تک نہ کھلا مجھ کو تابہ مرگ
میں کون ہوں کہاں سے چلا تھا کہاں گیا

حیرت الہ آبادی

---

---

ہائے وہ راز غم کہ جو اب تک
تیرے دل میں مری نگاہ میں ہے

جگر مراد آبادی

---

---