'adam' roz-e-ajal jab qismaten taqsim hoti thin
muqaddar ki jagah main saghar-o-mina uTha laya

Abdul Hamid Adam

---

---

hum apni rah pakaDte hain dekhte bhi nahin
ki kis Dagar pe ye KHalq-e-KHuda nikalti hai

Abrar Ahmad

---

---

likkha hai jo taqdir mein hoga wahi ai dil
sharminda na karna mujhe tu dast-e-dua ka

Agha Hajju Sharaf

---

---

kisi ko ghar se nikalte hi mil gai manzil
koi hamari tarah umr bhar safar mein raha

Ahmad Faraz

---

---

mere hawas ishq mein kya kam hain muntashir
majnun ka nam ho gaya qismat ki baat hai

Akbar Allahabadi

---

---

chheD-chhaD karta raha mujh se bahut nasib
main jita tarkib se haara wahi ghari

Akhtar Nazmi

---

---

kisi ke tum ho kisi ka KHuda hai duniya mein
mere nasib mein tum bhi nahin KHuda bhi nahin

Akhtar Saeed Khan

---

---