suna hai ab bhi mere hath ki lakiron mein
najumiyon ko muqaddar dikhai deta hai

Ameer Qazalbash

---

---

kabhi saya hai kabhi dhup muqaddar mera
hota rahta hai yun hi qarz barabar mera

Athar Nafees

---

---

hum ko na mil saka to faqat ek sukun-e-dil
ai zindagi wagarna zamane mein kya na tha

Azad Ansari

---

---

zor qismat pe chal nahin sakta
KHamushi iKHtiyar karta hun

Aziz Hyderabadi

---

---

hamesha tinke hi chunte guzar gai apni
magar chaman mein kahin aashiyan bana na sake

Aziz Lakhnavi

---

---

itna bhi bar-e-KHatir-e-gulshan na ho koi
TuTi wo shaKH jis pe mera aashiyana tha

Aziz Lakhnavi

---

---

ulbul ko baghban se na sayyaad se gila
qismat mein qaid likkhi thi fasl-e-bahaar mein

---
---

Bahadur Shah Zafar

---

---