meri qismat hai ye aawara-KHirami 'sajid'
dasht ko rah nikalti hai na ghar aata hai

Ghulam Husain Sajid

---

---

na to kuchh fikr mein hasil hai na tadbir mein hai
wahi hota hai jo insan ki taqdir mein hai

there is naught from worrying, nor from planning gained
for everything that happens is by fate ordained

Hairat Allahabadi

---

---

jo chal paDe the azm-e-safar le ke thak gae
jo laDkhaDa rahe the wo manzil pe aae hain

Hairat Saharvardi

---

---

wasl ki banti hain in baaton se tadbiren kahin
aarzuon se phira karti hain taqdiren kahin

Hasrat Mohani

---

---

justuju karni har ek amr mein nadani hai
jo ki peshani pe likkhi hai wo pesh aani hai

Imam Bakhsh Nasikh

---

---

phul khile hain gulshan gulshan
lekin apna apna daman

Jigar Moradabadi

---

---

maqbul hon na hon ye muqaddar ki baat hai
sajde kisi ke dar pe kiye ja raha hun main

whether or not accepted, it is up to fate
at her doorstep on and on, I myself prostrate

Josh Malsiani

---

---