اپنی حالت کا خود احساس نہیں ہے مجھ کو
میں نے اوروں سے سنا ہے کہ پریشان ہوں میں

آسی الدنی

---

---

تکلیف مٹ گئی مگر احساس رہ گیا
خوش ہوں کہ کچھ نہ کچھ تو مرے پاس رہ گیا

عبد الحمید عدم

---

---

خدا ایسے احساس کا نام ہے
رہے سامنے اور دکھائی نہ دے

بشیر بدر

---

---

آگہی کرب وفا صبر تمنا احساس
میرے ہی سینے میں اترے ہیں یہ خنجر سارے

بشیر فاروقی

---

---

میں اس کے سامنے سے گزرتا ہوں اس لیے
ترک تعلقات کا احساس مر نہ جائے

it is for this reason, I often pass her by
the pain of our breaking up, may not ever die

فنا نظامی کانپوری

---

---

مجھ کو احساس رنگ و بو نہ ہوا
یوں بھی اکثر بہار آئی ہے

حبیب احمد صدیقی

---

---

موت کی پہلی علامت صاحب
یہی احساس کا مر جانا ہے

ادریس بابر

---

---