ایسا کچھ گردش دوراں نے رکھا ہے مصروف
ماجرے ہو نہ سکے ہم سے قلم بند اپنے

صدیق شاہد

---

---

بجا ہے خواب نوردی پہ خواب ایسے ہوں
کھلے جو آنکھ تو اپنا ہی گھر کھنڈر نہ لگے

صدیق شاہد

---

---

کھلا نہ اس پہ کبھی میری آنکھ کا منظر
جمی ہے آنکھ میں کائی کوئی دکھائے اسے

صدیق شاہد

---

---

خواب ٹوٹے پڑے ہیں سب میرے
میں ہوں اور حیرتوں کا ساماں ہے

صدیق شاہد

---

---

کچھ ایسے دور بھی تاہم گرفت میں آئے
کہ یہ زمیں رہی باقی نہ آسماں ہی رہا

صدیق شاہد

---

---

مجھ سے کہتی ہیں وہ اداس آنکھیں
زندگی بھر کی سب تھکن یاں ہے

صدیق شاہد

---

---

نکل آئے جو ہم گھر سے تو سو رستے نکل آئے
عبث تھا سوچنا گھر میں کوئی غیبی اشارہ ہو

صدیق شاہد

---

---

اس کے جانے پہ یہ احساس ہوا ہے شاہدؔ
وہ جزیرہ تھا مرا دکھ سے بھرے پانی میں

صدیق شاہد

---

---