آباد کریں بادہ کش اللہ کا گھر آج
دن جمعہ کا ہے بند ہے مے خانہ کا در آج

ریاضؔ خیرآبادی

---

---

آفت ہماری جان کو ہے بے قرار دل
یہ حال ہے کہ سینے میں جیسے ہزار دل

ریاضؔ خیرآبادی

---

---

آگے کچھ بڑھ کر ملے گی مسجد جامع ریاضؔ
اک ذرا مڑ جائیے گا میکدے کے در سے آپ

ریاضؔ خیرآبادی

---

---

عالم ہو میں کچھ آواز سی آ جاتی ہے
چپکے چپکے کوئی کہتا ہے فسانہ دل کا

ریاضؔ خیرآبادی

---

---

اب مجرمان عشق سے باقی ہوں ایک میں
اے موت رہنے دے مجھے عبرت کے واسطے

ریاضؔ خیرآبادی

---

---

اچھی پی لی خراب پی لی
جیسی پائی شراب پی لی

ریاضؔ خیرآبادی

---

---

اہل حرم سے کہہ دو کہ بگڑی نہیں ہے بات
سب رند جانتے ہیں ابھی پارسا مجھے

ریاضؔ خیرآبادی

---

---

ایسی ہی انتظار میں لذت اگر نہ ہو
تو دو گھڑی فراق میں اپنی بسر نہ ہو

ریاضؔ خیرآبادی

---

---

اللہ رے نازکی کہ جواب سلام میں
ہاتھ اس کا اٹھ کے رہ گیا مہندی کے بوجھ سے

ریاضؔ خیرآبادی

---

---