کہتی ہے اے ریاضؔ درازی یہ ریش کی
ٹٹی کی آڑ میں ہے مزا کچھ شکار کا

ریاضؔ خیرآبادی

---

---

کلی چمن میں کھلی تو مجھے خیال آیا
کسی کے بند قبا کی گرہ کھلی ہوگی

ریاضؔ خیرآبادی

---

---

خدا آباد رکھے میکدے کو
بہت سستے چھٹے دنیا و دیں سے

ریاضؔ خیرآبادی

---

---

خدا کے ہاتھ ہے بکنا نہ بکنا مے کا اے ساقی
برابر مسجد جامع کے ہم نے اب دکاں رکھ دی

ریاضؔ خیرآبادی

---

---

کس کس طرح بلائے گئے میکدے میں آج
پہنچے بنا کے شکل جو ہم روزہ دار کی

ریاضؔ خیرآبادی

---

---

کسی کا ہنس کے کہنا موت کیوں آنے لگی تم کو
یہ جتنے چاہنے والے ہیں سب بے موت مرتے ہیں

ریاضؔ خیرآبادی

---

---

کوئی منہ چوم لے گا اس نہیں پر
شکن رہ جائے گی یوں ہی جبیں پر

ریاضؔ خیرآبادی

---

---

کچھ بھی ہو ریاضؔ آنکھ میں آنسو نہیں آتے
مجھ کو تو کسی بات کا اب غم نہیں ہوتا

ریاضؔ خیرآبادی

---

---

کیا مزا دیتی ہے بجلی کی چمک مجھ کو ریاضؔ
مجھ سے لپٹے ہیں مرے نام سے ڈرنے والے

ریاضؔ خیرآبادی

---

---