نجد میں کیا قیس کا ہے عرس آج
ننگے ننگے جمع ہیں حمام میں

ریاضؔ خیرآبادی

---

---

ناصح کے سر پر ایک لگائی تڑاق سے
پھر ہاتھ مل رہے ہیں کہ اچھی پڑی نہیں

ریاضؔ خیرآبادی

---

---

مفلسوں کی زندگی کا ذکر کیا
مفلسی کی موت بھی اچھی نہیں

ریاضؔ خیرآبادی

---

---

مرے گھر مثل تبرک کے یہ ساماں نکلا
آستیں قیس کی فرہاد کا داماں نکلا

ریاضؔ خیرآبادی

---

---

کیا شراب ناب نے پستی سے پایا ہے عروج
سر چڑھی ہے حلق سے نیچے اتر جانے کے بعد

ریاضؔ خیرآبادی

---

---

مے خانے میں کیوں یاد خدا ہوتی ہے اکثر
مسجد میں تو ذکر مے و مینا نہیں ہوتا

ریاضؔ خیرآبادی

---

---

لٹ گئی شب کو دو شے جس کو چھپاتے تھے بہت
ان حسینوں سے کوئی پوچھے کہ کیا جاتا رہا

ریاضؔ خیرآبادی

---

---

لب میگوں کا تقاضا ہے کہ جینا ہوگا
آنکھ کہتی ہے تجھے زہر بھی پینا ہوگا

ریاضؔ خیرآبادی

---

---

مے خانے میں مزار ہمارا اگر بنا
دنیا یہی کہے گی کہ جنت میں گھر بنا

ریاضؔ خیرآبادی

---

---