روتے جو آئے تھے رلا کے گئے
ابتدا انتہا کو روتے ہیں

ریاضؔ خیرآبادی

---

---

صیاد تیرا گھر مجھے جنت سہی مگر
جنت سے بھی سوا مجھے راحت چمن میں تھی

ریاضؔ خیرآبادی

---

---

شیخ جی گر گئے تھے حوض میں میخانے کے
ڈوب کر چشمۂ کوثر کے کنارے نکلے

ریاضؔ خیرآبادی

---

---

شعر تر میرے چھلکتے ہوئے ساغر ہیں ریاضؔ
پھر بھی سب پوچھتے ہیں آپ نے مے پی کہ نہیں

ریاضؔ خیرآبادی

---

---

شوخی سے ہر شگوفے کے ٹکڑے اڑا دیئے
جس غنچہ پر نگاہ پڑی دل بنا دیا

ریاضؔ خیرآبادی

---

---

سنا ہے ریاضؔ اپنی داڑھی بڑھا کر
بڑھاپے میں اللہ والے ہوئے ہیں

ریاضؔ خیرآبادی

---

---

انہیں میں سے کوئی آئے تو میخانے میں آ جائے
ملوں خود جا کے میں اہل حرم سے ہو نہیں سکتا

ریاضؔ خیرآبادی

---

---

اٹھتا ہے ایک پاؤں تو تھمتا ہے ایک پاؤں
نقش قدم کی طرح کہاں گھر بنائیں ہم

ریاضؔ خیرآبادی

---

---

اٹھواؤ میز سے مے و ساغر ریاضؔ جلد
آتے ہیں اک بزرگ پرانے خیال کے

ریاضؔ خیرآبادی

---

---