چشمۂ ناب نہ بڑھ کر جنوں سیلاب بنے
بہہ نہ جائے کہ یہ مٹی کا مکاں ہے اب کے

رضی رضی الدین

---

---

چھلکا پڑا ہے چہروں سے اک وحشت جنوں
پھیلا پڑا ہے عشق کا بازار خیر ہو

رضی رضی الدین

---

---

دیوانۂ خرد ہو کہ مجنون عشق ہو
رہنا ہے اس کو چاک گریباں کئے ہوئے

رضی رضی الدین

---

---

دل کو جلائے رکھا ہے ہم نے چراغ سا
اس گھر میں ہم ہیں اور ترا انتظار ہے

رضی رضی الدین

---

---

دشمن جاں ہیں سبھی سارے کے سارے قاتل
تو بھی اس بھیڑ میں کچھ دیر ٹھہر جا اے دل

رضی رضی الدین

---

---

اس اندھیرے میں جلتے چاند چراغ
رکھتے کس کس کا وہ بھرم ہوں گے

رضی رضی الدین

---

---

جگہ بچی ہی نہیں دل پہ چوٹ کھانے کی
اٹھا لو کاش یہ عادت جو آزمانے کی

رضی رضی الدین

---

---

نشۂ یار کا نشہ مت پوچھ
ایسی مستی کہاں شرابوں میں

رضی رضی الدین

---

---

قلب و جگر کے داغ فروزاں کئے ہوئے
ہیں ہم بھی اہتمام بہاراں کئے ہوئے

رضی رضی الدین

---

---