عجیب سانحہ گزرا ہے ان گھروں پہ کوئی
کہ چونکتا ہی نہیں اب تو دستکوں پہ کوئی

جاوید انور

---

---

بے تکی روشنی میں پرائے اندھیرے لیے
ایک منظر ہے تیرے لیے ایک میرے لیے

جاوید انور

---

---

ہر ایک حد سے پرے اپنا بوریا لے جا
بدی کا نام نہ لے اور نیکیوں سے نکل

جاوید انور

---

---

جو دن چڑھا تو ہمیں نیند کی ضرورت تھی
سحر کی آس میں ہم لوگ رات بھر جاگے

جاوید انور

---

---

کوئی کہانی کوئی واقعہ سنا تو سہی
اگر ہنسا نہیں سکتا مجھے رلا تو سہی

جاوید انور

---

---

نکل گلاب کی مٹھی سے اور خوشبو بن
میں بھاگتا ہوں ترے پیچھے اور تو جگنو بن

جاوید انور

---

---

شام پیاری شام اس پر بھی کوئی در کھول دے
شاخ پر بیٹھی ہوئی ہے ایک بے گھر فاختہ

جاوید انور

---

---

تجھے میں غور سے دیکھوں میں تجھ سے پیار کروں
اے میرے بت تو مرے بت کدوں سے باہر آ

جاوید انور

---

---