آشوب اضطراب میں کھٹکا جو ہے تو یہ
غم تیرا مل نہ جائے غم روزگار میں

اقبال سہیل

---

---

حسن فطرت کی آبرو مجھ سے
آب و گل میں ہے رنگ و بو مجھ سے

اقبال سہیل

---

---

جو تصور سے ماورا نہ ہوا
وہ تو بندہ ہوا خدا نہ ہوا

اقبال سہیل

---

---

خاکستر دل میں تو نہ تھا ایک شرر بھی
بیکار اسے برباد کیا موج صبا نے

اقبال سہیل

---

---

کچھ ایسا ہے فریب نرگس مستانہ برسوں سے
کہ سب بھولے ہوئے ہیں کعبہ و بت خانہ برسوں سے

اقبال سہیل

---

---

نہ رہا کوئی تار دامن میں
اب نہیں حاجت رفو مجھ کو

اقبال سہیل

---

---

وہ شبنم کا سکوں ہو یا کہ پروانے کی بیتابی
اگر اڑنے کی دھن ہوگی تو ہوں گے بال و پر پیدا

اقبال سہیل

---

---