آئینہ کیا کس کو دکھاتا گلی گلی حیرت بکتی تھی
نقاروں کا شور تھا ہر سو سچے سب اور جھوٹا میں

باقر مہدی

---

---

آزما لو کہ دل کو چین آئے
یہ نہ کہنا کہیں وفا ہی نہیں

باقر مہدی

---

---

ایسی بیگانگی نہیں دیکھی
اب کسی کا کوئی یہاں نہ رہا

باقر مہدی

---

---

چلے تو جاتے ہو روٹھے ہوئے مگر سن لو
ہر ایک موڑ پہ کوئی تمہیں صدا دے گا

باقر مہدی

---

---

دامن صبر کے ہر تار سے اٹھتا ہے دھواں
اور ہر زخم پہ ہنگامہ اٹھا آج بھی ہے

باقر مہدی

---

---

ایک طوفاں کی طرح کب سے کنارہ کش ہے
پھر بھی باقرؔ مری نظروں میں بھرم ہے اس کا

باقر مہدی

---

---

فاصلے ایسے کہ اک عمر میں طے ہو نہ سکیں
قربتیں ایسی کہ خود مجھ میں جنم ہے اس کا

باقر مہدی

---

---

ہم ملیں یا نہ ملیں پھر بھی کبھی خوابوں میں
مسکراتی ہوئی آئیں گی ہماری باتیں

باقر مہدی

---

---

اس شہر میں ہے کون ہمارا ترے سوا
یہ کیا کہ تو بھی اپنا کبھی ہمنوا نہ ہو

باقر مہدی

---

---