بڑا آزار جاں ہے وہ اگرچہ مہرباں ہے وہ
اگرچہ مہرباں ہے وہ بڑا آزار جاں ہے وہ

انیس انصاری

---

---

بنا کر رکھ تو گھر اچھا رہے گا
تو مالک بن کرایہ دار کیوں ہے

انیس انصاری

---

---

ایک غم ہوتا تو سینے سے لگا لیتا کوئی
غم کا انبار اٹھانے پہ نہ پہنچا آخر

انیس انصاری

---

---

ہر ایک شخص تمہاری طرح نہیں ہوتا
کوئی کسی سے محبت کہاں کرے کیسے

انیس انصاری

---

---

ہجر کے چھوٹے گاؤں سے ہم نے شہر وصل کو ہجرت کی
شہر وصل نے نیند اڑا کر خوابوں کو پامال کیا

انیس انصاری

---

---

ہجر میں ویسے بھی آتی ہے مصیبت جان پر
پر رقیبوں کی الگ ہے خندہ کاری ہائے ہائے

انیس انصاری

---

---

جو پرندے اڑ نہیں سکتے اب ان کی خیر ہو
آنے والا ہے اسی جانب شکاری ہائے ہائے

انیس انصاری

---

---

کبھی درویش کے تکیہ میں بھی آ کر دیکھو
تنگ دستی میں بھی آرام میسر نکلا

انیس انصاری

---

---

لاش قاتل نے کھلی پھینک دی چوراہے پر
دیکھنے والا کوئی گھر سے نہ باہر نکلا

انیس انصاری

---

---