اب تجھے میرا نام یاد نہیں
جب کہ تیرا پتا رہا ہوں میں

اکبر معصوم

---

---

ایسا ایک مقام ہو جس میں دل جیسی ویرانی ہو
یادوں جیسی تیز ہوا ہو درد سے گہرا پانی ہو

اکبر معصوم

---

---

ہے مصیبت میں گرفتار مصیبت میری
جو بھی مشکل ہے وہ میرے لیے آسانی ہے

اکبر معصوم

---

---

جس کے بغیر جی نہیں سکتے تھے جا چکا
پر دل سے درد آنکھ سے آنسو کہاں گیا

اکبر معصوم

---

---

میں کسی اور ہی عالم کا مکیں ہوں پیارے
میرے جنگل کی طرح گھر بھی ہے سنسان مرا

اکبر معصوم

---

---

رہ جائے گی یہ ساری کہانی یہیں دھری
اک روز جب میں اپنے فسانے میں جاؤں گا

اکبر معصوم

---

---

ترے غرور کی عصمت دری پہ نادم ہوں
ترے لہو سے بھی دامن ہے داغ دار مرا

اکبر معصوم

---

---

اجالا ہے جو یہ کون و مکاں میں
ہماری خاک سے لایا گیا ہے

اکبر معصوم

---

---

وہ اور ہوں گے جو کار ہوس پہ زندہ ہیں
میں اس کی دھوپ سے سایہ بدل کے آیا ہوں

اکبر معصوم

---

---